प्रतिनिधि सभा निर्वाचन २०७९
मोरङमा ३ जना सांसदमात्रै दोहोरिए, १५ जना नयाँ
विराटचोकः प्रतिनिधिसभा तर्फ ६ र प्रदेशसभा तर्फ १२ वटा निर्वाचन क्षेत्र रहेको मोरङमा अधिकांश नयाँ सदस्य निर्वाचित भएका छन् । प्रतिनिधिसभा र प्रदेशसभामा तीन जना २०७४ सालकै विजेता दोहोरिएका छन् । बाँकी १५ जना नयाँ चुनिएका हुन् ।
लीलाबल्लभ अधिकारी मोरङ २ (२), अमनलाल मोदी मोरङ (४) र केदार कार्की मोरङ ६ (२) मात्रै दोहोरिएका छन् । अन्य सबै नयाँ उम्मेद्वारले बाजी मारेका हुन् ।
मोरङ ५ बाट स्वतन्त्र उम्मेद्वार योगेन्द्र मण्डल निर्वाचित भएका छन् । उनी पहिलो पटक निर्वाचित भएका हुन् ।
क्षेत्र नम्बर १ बाट प्रतिनिधिसभा सदस्यमा कांग्रेस उम्मेद्वार डिगबहादुर लिम्बू निर्वाचित भए । संविधानसभा सदस्य लिम्बूले २०७४ सालका विजेता घनश्याम खतिवडालाई पराजित गरेका हुन् ।
मोरङ १(१) मा एमाले उम्मेद्वार उमाकन्त गौतम निर्वाचित भए । उनले माओवादी केन्द्रका उम्मेदवार कुलप्रसाद साम्बालाई पराजित गरे । २०७४ सालमा साम्बा निर्वाचित भएका थिए । क्षेत्र नम्बर १(२)बाट खड्गबहादुर बस्नेत निर्वाचित भए । उनले एकीकृत समाजवादी पार्टीका उम्मेद्वार उपेन्द्र घिमिरेलाई पराजित गरे ।
क्षेत्र नम्बर २ बाट कांग्रेस उम्मेद्वार सुजाता कोइरालालाई पराजित गर्दै एमाले उम्मेद्वार ऋषिकेश पोखरेल निर्वाचित भए । क्षेत्र नम्बर २ (१) बाट माओवादी केन्द्रका गणेश उप्रेती निर्वाचित भए । उनले एमाले उम्मेदवार दानबहादुर कार्कीलाई पराजित गरे । क्षेत्र नम्बर २(२) बाट एमाले उम्मेद्वार लीलाबल्लभ अधिकारी निर्वाचित भए । कांग्रेस उम्मेद्वार विनोद कार्कीलाई पराजित गर्दै उनी दोस्रो पटक निर्वाचित भएका हुन् ।
क्षेत्र नम्बर ३ बाट तीन जना नै नयाँ प्रतिनिधि आएका छन् । एमाले उम्मेद्वार भानुभक्त ढकाललाई पराजित गर्दै कांग्रेस उम्मेद्वार सुनिल शर्मा विजयी भए । क्षेत्र नम्बर ३ (१) बाट कांग्रेस उम्मेद्वार मानबहादुर लिम्बू र क्षेत्र नम्बर ३(२) बाट एमाले उम्मेद्वार ज्ञानेन्द्र सुवेदी विजयी भए ।
क्षेत्र नम्बर ४ बाट माओवादी नेता अमनलाल मोदी निर्वाचित भए । उनले एमाले उम्मेद्वार विनोद ढकाललाई पराजित गरे । २०७४ सालमा पनि उनी नै निर्वाचित भएका थिए । क्षेत्र नम्बर ४ को (१) बाट एमाले उम्मेद्वार जयप्रकाश चौधरी निर्वाचित भए । सोही क्षेत्रको प्रदेशसभा २ बाट कांग्रेस उम्मेदवार भीम पराजुली निर्वाचित भए । पराजुली विराटनगर महानगरपालिकाका निवर्तमान मेयर हुन् ।
क्षेत्र नम्बर ५ मा पनि तीन जना नै नयाँ अनुहार छन् । प्रतिनिधिसभा सदस्यमा स्वतन्त्र उम्मेद्वार योगेन्द्र मण्डल निर्वाचित भए । उनले माओवादी नेता शिवकुमार मण्डल र जसपा उम्मेद्वार राजकुमार यादवलाई पराजित गरे । सोही क्षेत्रको प्रदेशसभा १ मा कांंग्रेस उम्मेद्वार गयानन्द मण्डल निर्वाचित भएका छन् । क्षेत्र नम्बर ५(२) मा अमृत अर्याल निर्वाचित भए ।
क्षेत्र नम्बर ६ बाट प्रतिनिधिसभा सदस्यमा कांग्रेस नेता डाक्टर शेखर कोइराला निर्वाचित भए । उनले एमाले उम्मेद्वार लालबाबु पण्डितलाई पराजित गरे । सोही क्षेत्रको प्रदेशसभा १ मा माओवादी उम्मेद्वार जीवन आचार्य निर्वाचित भए । क्षेत्र नम्बर ६(२) बाट कांग्रेस उम्मेद्वार केदार कार्की दोस्रो पटक निर्वाचित भए ।
Facebook Comment
Banner
राष्ट्रपति पौडेलको युरोप भ्रमणको हवाई टिकट रद्द गर्दा ५५ लाख २२ हजार रुपैयाँ खर्च भएको छ ।
राष्ट्रपति पौडेलको युरोप भ्रमणको हवाई टिकट रद्द गर्दा ५५ लाख २२ हजार रुपैयाँ खर्च भएको छ । 😮
Banner
आज – २८ बैशाख २०८१ शुक्रवार को राशिफल
मेष
मेष (चु, चे, चो, ला, लि, लु, ले, लो, अ) मनोरञ्जनका साथै धार्मिक कार्यमा रुचि बढ्नेछ । मनमा हर्ष, उमङ्ग र उत्साह छाउला । वैदेशिक क्षेत्रको काम अघि बढ्नेछ । वस्त्र लाभ पनि हुनसक्छ ।
मिथुन
मिथुन (का, कि, कु, घ, ङ, छ, के, को, हा) आज स्वास्थ्य तथा सौन्दर्यतामा धन खर्च हुनेछ । अरुको लागि दौडधुप गर्नु पर्नेछ । चोटपटक पनि लाग्न सक्छ, तर आफन्तले सहयोग गर्नेछन् ।
सिंह
सिंह (मा, मि, मु, मे, मो, टा, टि, टु, टे) मनमा हर्ष, उमङ्ग र उत्साह छाउला । भाग्यले विभिन्न अवसर जुराउनेछ । आफ्नो क्षेत्रमा प्रभुत्व जमाउन सकिनेछ । विशेष यात्रा पनि हुनसक्छ ।
तुला
तुला (रा, रि, रु, रे, रो, ता, ति, तु, ते) लगनशीलताको कमीले गर्दा ठूलो उपलब्धि हात पार्न नसकिएला । समय प्रतिकुल भई कुलतमा मन जानेछ । झैझमेलाको अवस्था पनि आउला ।
धनु
धनु (ये, यो, भा, भि, भु, धा, फा, ढा, भे) आज बोलीको भरमा कार्य सम्पादन हुनेछ । सद्विचारले अभिप्रेरित हुनेहरूलाई बिस्तारै लाभ हुनेछ । शैक्षिक क्षेत्रमा सफलता पनि मिल्नेछ ।
कुम्भ
कुम्भ (गु, गे, गो, सा, सि, सु, से, सो, दा) लाभहानी, आयव्यय, सुखदुःख बराबरी मध्यम खालको दिन छ, साथै प्रणयसम्बन्ध र रतिराग बढाउने समय छ । लाभदायक यात्रा पनि हुनसक्छ ।
बृष
वृष (इ, उ, ए, ओ, वा, वि, वु, वे, वो) आज छोटो दुरीको लाभदायक यात्रा हुनेछ । राज्यबाट मान सम्मान मिल्नेछ । धर्मकर्म तथा समाजसेवामा मन लाग्नेछ । वाहन सुख पनि मिल्नेछ ।
कर्कट
कर्कट (हि, हु, हे, हो, डा, डि, डु, डे, डो) आज शुभकार्यमा सहभागिता जनाइने छ । महिला वर्गबाट विशेष सहयोग मिल्नेछ । पुँजी बजारमा सफलता मिल्ने र आर्थिक क्षेत्र राम्रै होला ।
कन्या
कन्या (टो, पा, पि, पु, ष, ण, ठ, पे, पो) आज कुनै कुराले मनमा शान्ति छाउनेछ । आँटेको र ताकेको कार्य पुरा हुनेछ । धर्म र सांस्कृतिक सभासमारोहमा सरिक हुने अवसर मिल्नेछ ।
बृश्चिक
वृश्चिक (तो, ना, नि, नु, ने, नो, या, यि, यु) आजको दिन भाग्यशाली भएर देखा पर्नेछ । वैदेशिक क्षेत्रका अधुरा कार्यबाट सफलता मिल्नेछ । आफ्नो शेयर बजारको क्षेत्रमा सफलता मिल्नेछ ।
मकर
मकर (भो,जा,जि,जु,जे,जो,ख,खि,खु,खे,खो,गा,गि) धनार्जनका नयाँ स्रोतहरू पत्ता लाग्नेछन् । विद्या र बुद्धिको विकास हुनेछ । सजिलै अरुको विश्वास जित्न सकिनेछ । आकस्मिक धन लाभ हुनेछ ।
मीन
मीन (दि, दु, थ, झ, ञ, दे, दो, चा, चि) आज शुभकार्यको चर्चा चल्नेछ । सुन्दर पहिरनले व्यक्तित्वमा निखारता ल्याउनेछ । प्रेमको बन्धन कसिने बेला छ । मुद्दा मामिलामा सफलता मिल्नेछ । राशिफल जे जस्तो भएपनि तपाईंको दिन मङ्गलमय रहोस् । – ज्यो.प. नारायणप्रसाद दुलाल
Banner
जेलेन्स्कीको हत्या गर्ने योजना बनाएको आरोपमा दुई सुरक्षा अधिकारी पक्राउ
युक्रेनी राष्ट्रपति भोलोडिमिर जेलेन्स्कीको हत्या गर्ने योजना बनाएको आरोपमा दुई युक्रेनी सुरक्षा अधिकारीलाई पक्राउ गरिएको छ ।
युक्रेनको राज्य सुरक्षा सेवा (एसबीयू) ले सुरक्षा इकाईका दुई कर्णेललाई हिरासतमा लिइएको छ र रुसलाई गोप्य जानकारी चुहाएको आरोप लगाइएको जनाएको छ ।
एसबीयूले रूसको राज्य सुरक्षा सेवा सँग सम्बन्धित एजेन्टहरूको नेटवर्कको पर्दाफास भएको बताउँदै उनीहरूले जेलेन्स्कीको हत्या गर्ने योजना बनाएको र ति योजना असफल बनाएको बताएको छ ।
एसबीयूले उनीहरुले एसबियुका प्रमुख र युक्रेनको रक्षा गुप्तचर प्रमुखसहित अन्य वरिष्ठ युक्रेनी अधिकारीहरूलाई पनि निशाना बनाएको बताएको छ ।
-
अर्थ4 years ago
समाचारमार्फत् आफ्नो चरित्रहत्या गरिएको भन्दै कानेपोखरीका युवा व्यवसायीले गरे पत्रकार सम्मेलन
-
Banner2 years ago
साउनदेखि कुन तहका कर्मचारीको कति तलब ?
-
खेलकुद4 years ago
रंगशालाको अवलोकन
-
मुख्य4 years ago
शेयर बजारमा झिनो अंकको गिरावट
-
अर्थ4 years ago
गोर्खा डिपाटमेन्ट स्टोर विराटचोकलाई ५० हजार जरिवाना
-
मुख्य4 years ago
सुन्दरहरैंचामा चोरले बोरामा हालेर लादैं गरेको बच्चालाई आमाले खोस्न सफल
-
मुख्य4 years ago
पुस १० गते खण्डग्रास सूर्यग्रहण लाग्ने भएकाले मोरङका संस्थागत विद्यालय बिदा
-
Banner4 years ago
गोठगाउँमा पूर्वाञ्चल विश्वविद्यालय सर्ने, गोठगाउँमा आज साँझ दीप प्रज्वलन गरिने
You must be logged in to post a comment Login